2010年3月26日 星期五

壞媽媽基因??

今天讀新聞時,
發現一單很有趣的新聞,
真我想分享一下,
世上只有媽媽好?
NO...NO....
可喜的是,
我有一個好媽媽..

故事:
英國作家「巴斯比」,
細細個知道「曾祖母」監生浸死一對只有一個禮拜孖生女之後,
就一直擔心自己遺傳咗呢啲「壞媽媽」基因、殘害自己骨肉,
淪為另一個「魔鬼母親就好似零七年、
串同男友殺害歲半兒子嘅「康奈利」咁。
「巴斯比」做咗媽媽後更患上產後抑鬱,
胡思亂想,
諗過用枕頭焗死bb。

科學家仲未搵到「壞媽媽基因」呢樣嘢,
亦唔知係咪會遺傳,
不過美國「耶魯大學」同「里士滿大學」嘅研究指出,

做唔做得成好媽媽,
好可能同大腦一種「細胞」或者「神經元」多定少有關。

佢地發現,
懷孕時大腦會逐漸形成「母性神經元」,
分娩後,
「母性神經元」就會好似「燈膽」咁開著,
如果開著嘅「神經元」越多,
愛鍚仔女嘅機會就越高;
神經細胞越少,
就越有可能忽略、甚至虐待子女。
用「腦掃描」,
同樣可以靠辨認「母性神經元」嘅活躍程度,
推斷當事人係咪好媽媽。
不過「巴斯比」話,
呢項發現會反而令「壞媽媽」覺得,
既然係命中「注定」對仔女唔好,
咁無論佢地點改,
都唔會做到「好媽媽」;

但有關科學家話,
大腦並唔係鐵板一塊、無法改變,
「壞媽媽」只要有適當輔道同護士家訪,
都可以令更多「母性神經元」開著,
改善佢對子女嘅態度同行為。

4 則留言:

zico cheng 提到...

有趣!

dicky828 提到...

曾經聽過有關孕婦分娩生產的資料
(當然沒去到"基因"這麼深入~),
內容講到剖腹生產原本是在母方不能自然分娩,
或者母、嬰其中一方性命堪虞的緊急方法。
但近十多二十年來,
因各種與上述無關痛癢的理由而剖腹生產的比例上升。
(其中除了母親"o錫身"咗,還認為西醫着孕婦躺着分娩有違自然,以及一些所謂的「醫療陰謀」......)
但相對於自然分娩,
剖腹生產無論對母親或者嬰兒,
都是諸害無益。
例如:
-嬰兒的體質會較差,抵抗力弱;
-母親復原時間更長(中醫角度),生理及心理的潛在影響亦更多;
-***母親與嬰兒關係較易疏離。

......就是這樣,
會跟"壞媽媽基因"有關嗎?
(抱歉,我不是醫生...證實不了~)
不過,就算這堆講法都成立,
那又如何解釋"好/壞爸爸基因"呢?~~~
(抱歉,我也不是科學家...也答不來~)

就算如你所講做甚麼「母/父性神經元」的腦掃描,
其實也可能好似算命術數一樣——有得賴。~
依我看,
都是個人問題吧!
因為......

「好的壞不了,壞的好不了」~~~~~:P


溫馨提示:
以上分娩資料僅供參考,詳細情況請查詢專業人士意見。

貝武 提到...

大自然有一種叫「均值回歸」,不受遺傳所左右。大自然自有某程度約束,達至均衡,具備一種大數法則。
有一本書,圖書館可借「自私的基因」,有很高的參考值,卡文姐姐若有耐性,可借來提升一下。
遺傳的只是細菌性才不受上天安排,壞媽基因不會遺傳,若較具科學性說法,應是人會受周遭生活環境價值行為所影響,因人是白紙式的染印上旁行為,他者或別人也如此,你便只能以依旁人價值和想法生存,形成壞媽出現壞子女的可能性,但子女接觸的並非只有壞媽價值觀,最終也只能回歸到個人想法和思維,或大自然或然數法則。
因有些個體是不會受同輩共鄰所左右的,終極回歸大自然或然率均值。
壞媽基因論太膚淺了,還是看看「自私的基因」比較有參考值。

pass 提到...
網誌管理員已經移除這則留言。