2009年6月15日 星期一

嘉樂冰室..



在荃灣工作了多年,
我所知的食店,
來來去去都是那幾間茶餐廳,
從不知有一間叫做嘉樂冰室的茶餐廳,
看了一本飲食雜誌推介,
決定一試,
座位只得三十二個,
真是客似雲來,
是以家庭式經營,
每樣食物要等上一後時間,
但質素真的不俗,
那個蛋牛治,
真的有驚喜,
又多了一個好去處,
哈哈..

13 則留言:

Hank 提到...

嘩, 你不斷尋找美食...好容易會...

ohno 提到...

上次經過,門外沒有食物介紹,而門口又用沙簾擋住內裡情況,只見到不少人在排隊... 昨天看了新xx才知道原來內有乾坤。

大隻文 提到...

嘩!! 好多料嘅疍牛治!!!!

等我又去幫襯吓先....

話唔埋到時撞到你, 到時簽個名比我喎..........

moeming 提到...

Just wondering, what's the address of this place? i want to try it next time i visit Asia ^^

manc1011 提到...

塊蛋厚到...

manc1011 提到...

有冇去過上水間廣成冰室啊?都幾好食,但d service 就差左d lu...

zico cheng 提到...

我想我哋好快見到一個肥白白既carman!

Raymond Fung 提到...

Dear Miss Carman,

請努力加餐飯,我也很想見一個白白胖胖的Carman!

kiko lau 提到...

借個位宣傳一下...希望美華唔好介意...
大家好...我最近為carman整左一個網站...希望大家會睇下=]
http://hk852.to/onlycarman/

Psyence A Go Go 提到...

呢間冰室的瑞士雞翼也不錯, 但好多時都有唔少人等位, 所以去左隔離間茶餐廳 !

dicky828 提到...

小弟二月無心插柳光顧過嘉樂冰廳,
嘉樂食物份量多價錢平不特只,
仲要好味,
其他唔逐樣講,
但大光麵可以煮得比丁麵好食已經夠化境,
我私下用來評估冰廳冰室是否魚目混珠的懷舊奶昔,
更稱得上王道正宗。
很多餐廳菜牌上的奶昔,
不是好似美國第51州一樣神秘,
便是求其雪糕溝奶攪勻了事,
因為水吧那位根本未必識整或者識都唔願整,
但嘉樂的奶昔就飲得出不完美的手作味
(就是那細時唔識貨以為唔及老麥的味道)。

但最正是整間冰廳都有今時今日大部份餐廳食不到的味......人情味。
話說等枱時有位站在我背後跟客人大講大笑的失儀大姐,原來是收銀,
落柯打後又見另一阿姐不時自個兒嘴角含笑,
相信以上情景並唔係甚麼高級食府、新式潮菜可以取代。

其後明顯只剩下我們這最後一枱客"阻住收工",
唯有全速掃碟快食,
但阿姐收碟時反而笑意盈盈話:
「慢慢啦!食完坐陣先囉。」
聽後我更放肆地在店面舉機影相,
眼見收銀大姐走近以為會喝止責罵,
誰知只八卦拍些甚麼後,
竟然捉住我手跟我大談自己跟兒子揸住新年利是影相的英姿。
見傾多兩句打蛇隨棍上問鮮牛蛋治到底用了多少隻蛋,
大姐轉交老細親自答覆:3隻幾!
然後輪到老細變咗隻開籠雀;
一時好自豪咁話一日要用幾百隻蛋,
一時好辛苦咁話太多人叫做唔切,
一時好尷尬咁話有客人要等上四十分鍾,
一時又好怕醜咁話啲客都仲肯等好捧場云云...
(當時老細神情真係短時間內勁多變化~~)

之後一眾職工得知我們「千里迢迢」來光顧,
竟然跟我們誠懇地講"多謝俾面/好捧場",
反而令我尷尬...

務服食客,
最緊要的不是員工守則,
不是冇神冇氣條件反射講句"2孖3孖4",
不是蔡生韜韜蘇施黃食神推介;
其實讓食客感受到,
店員以自己的食店為榮,
已很足夠。
我就是愛這些
——跟裝璜一樣吃不下,
但千萬豪裝亦比不上的「價值」。
(不過老實講,係有細小強。)

有興趣的仁兄們,
要注意嘉樂7時截龍落閘,(收很早)
最好揀平日及避開午/晚飯黃金時段,
排長龍機會大減,
這是收銀大姐的「溫馨提示」。
另外,份量真的都頗大,
眼闊肚窄份子不妨落單時通知"輕手",
可以避免浪費。

聽"荃灣人"講,
嘉樂附近的蘭香、鍋貼跟豆品店也不差。


p.s.最愛肥肥白白曾美華

路人甲 提到...

荃灣,愛辣,有沒有試過「雲貴川」的勁辣米線呢?另外在荃灣開了幾間分店的蘭州拉麵店,那裏的麻辣也是不俗之選。

過客 提到...

其實有很多不廣為人知的質素不俗食店,如果沒有飲食雜誌推介外區人就很難知道,不過當中也有不少言過其實。飲食雜誌推介可作參考,不過不要期望過高比較好。

曾小姐推介的,他日經過就入內一試。(只怕忘記了!)