2010年4月4日 星期日

咳...咳..咳...


氣管敏感一直都纏繞着我,
由氣管引發身體很多毛病,
如上呼吸道敏感,
鼻竇炎,喉嚨發炎,失聲等症狀,
整個月,
都像藥煲似的,
藥不離身,
遠遊在即,
真令人掃興啊........

17 則留言:

zico cheng 提到...

好多藥!真令人擔心,一路順風

Raymond Fung 提到...

Dear Carman,
Take care!

過客 提到...

帶病外遊?
要保重身體!

Fung 提到...

多喝水, 多休息才是最重要, 保重身體, 快D好番, 去日本玩得開心D ^^

貝武 提到...

有本公子在,你都不求番支好籤!
妳吃那么多成藥,這些藥通常治一經損一經的,叫做頂住下,但卻會令身體好傷,弱化體質,重複翻發不已,很長受苦的。
喇,現在本公子告訴妳,讓本公子執妳幾劑,包妳斷窮根(幻覺),或病根。
正所謂藥療不如吃療,只要妳依足本公子我單方有恆心去吃療,不好便來打本公子patpat,療好了嘛…嘿嘿…!則以身相許吧^o^呵呵
三味入口,不苦的,甚至;好甜,好似妳甘甜喎!
每天服吃,最好至不復發,約兩星期左右:
甜粟米兩大碌(街市有賣,十元約三四支,煮法好簡單,清水煮開便推兩碌煮十至十五分鐘,然后嘛,依起棚牙刨他媽的干凈,好味又甜美。)

靚番茄兩個(街市十元一抽,弄法較蝦人,生吃最好,也可切半煎,或加些欖油焗,超好味,當然有焗爐才有計。這番茄是主角,必須每日堅持咬番個,防發炎或敏感,營養超強,更可防夜盲呀,知嗎?卡文姐姐。)

蘋果一個,排毒養身,營養好且性較平少負作用。

三味皆是平野補身又無乜負作用,效果明顯。
記數!

Simon Sheep 提到...

保重! 順風~~ 影多靚相

dicky828 提到...

看西醫不治本,
Carman有相熟中醫嗎?
經同事介紹了一位很好很有醫德的中醫,
(最好的是藥是現成粉劑,
不用煲,方便攜帶...不過味道還是......)
要介紹給妳嗎?

總之切記,
千萬別喝凍飲,
辣的也可免則免吧!
否則天王老子都保不住閣下喉嚨氣管呢!!~~~

TanTan 提到...

果然係麥嘜FANS
連藥袋都係麥嘜

不過妳知否為何叫做麥嘜麥兜
佢哋原名又叫乜嘢吖

P.S.如果妳係十幾年前已經睇"黃巴士"
就或者會知道

fitlow 提到...

粟米煮十至十五分鐘!乜都煮走晒啦,飲埋煲水會好D,同埋唔介意有口水尾的話,粟米蕊洗淨可以用來煲湯一樣有藥效.

番茄最好在微熱下食是最有營養.

蘋果一定要連皮食.

中藥永遠是用煲藥材好過沖藥粉,早排至話藥粉易生毛霉菌除時死得人.

dicky828 提到...

re TanTan:
"春田花花"的擺明不是藥袋吧!!~
(照計...應該是床單或者被套!...正!!~(T3T)/)

小弟當年也有看"黃巴士",
但都不記得有沒提及過。~~~
(跟電影版"膠兜"的說法不同嗎?!...開估吧!)
題外話,
十幾年前有看"黃巴士"的,
應該都對見證謝氏將麥嘜麥兜商業化相當失望吧!~


re fitlow:
"毛霉菌"一事乃「龍葵」藥粉,
(當然,亦不排除其他藥會有"中招"的可能性)
不過...未免太"一竹篙"吧!
套用閣下講法,
雞鴨鵝豬牛羊魚蝦蟹瓜菜米油鹽...
還有啥可以吃喇?~

確實同意"中藥永遠是用煲藥材好過沖藥粉",
等於"食物永遠是新鮮好過冷藏"、
"煮食方式永遠是傳統烹調好過用微波爐叮"一樣,
不過......香港人嘛!!~~~

另外,如果沒記錯,
番茄生吃跟熟吃沒有甚麼最不最有營養的分別,
只是營養吸收的價值類型不同而已。
(沒記錯的話...有錯請指正~)

fitlow 提到...

re: dickey828
我都係聽人講話蕃茄部份營養要透過微熱引發方能使人體吸收.

我睇開位中醫成日都係建議病人執藥材好過用藥粉,而且佢地開藥粉是要加錢,冇理由倒自己米卦,我有同事用藥粉食極都唔好,把心一橫煲藥材結果睇兩次就好返,都不知有咁橋定係咁神奇,當然儲存不好藥材都會變壞的.

TanTan 提到...

最初係麥兜做主角
後來先至係麥嘜

原本呢兩隻嘢叫做- 豬嘜,豬兜
(即係死蠢咁解,當年好興呢兩個名)
可能因為太俗
而作者姓麥
所以改做 麥嘜,麥兜
唔知將來有否- 美華嘜;美華兜呢
不係話妳死蠢,似佢哋可愛

dicky828 提到...

re fitlow+各位:

翻查、綜合過關於吃蕃茄的資料,不妨一看:
(沒被老點的話~囧)

蕃茄生食——
蕃茄含有維他命C,
但維他命C怕熱,煮得過熱會流失
(不過茄酸對維他命C有某程度的保護),
蕃茄中的葉酸及膳食纖維,都是生吃較佳,
而且不應去皮。
不過生食偏寒涼,要視乎體質。
另外,
有誤傳生食蕃茄易中龍葵鹼毒
(生物鹼,就像馬鈴薯發芽那種毒),
不過其實兩者毒素結構不同,
毒性亦比發芽馬鈴薯低,
更重要是,
有這個問題的只是「生」蕃茄
——即是指"未成熟"的,不是"未煮熟"的「生」;
成熟了的蕃茄本身含龍葵鹼毒素極低。(誤很大)

蕃茄熟食——
蕃茄中的茄紅素和胡蘿蔔素,有抗氧化作用,
經煮熟後更易釋放和吸收,
不過要注意的是,
茄紅素屬脂(油)溶性,
所以煮食時加一點油,才會有助吸收茄紅素。

生食跟熟食的好處各有不同,
當然,硬是勉強地比較的話,
蕃茄熟食的營養價值會高一點。



藥粉方面,
請問fitlow你同事是只轉了藥粉還是連醫生都轉了?
除非藥性剛烈的藥,
否則大多沒有"兩劑見效"這回事,
因為中醫開的藥方大都以調和平衡為主。
(這也是中醫"有排醫"的理由...
...你看慣的應該理解吧!!~)
而且,我看的中醫則講過,
斷症比藥方重要:
藥方次等最多功效不足;
斷症次等卻差天共地,
藥材再靚再高級也可能適得其反。

另外,一般而言都會認為要"煲"的比"沖"的好,
其實有些謬誤,
因為"煲"的中藥有等級分別,"沖"的沒有,
但很多人本能地屈機認為自己"煲"的每一次質量都一定比"沖"的好和穩定......真的嗎?~
有些藥是煲過才出藥力,
但其實也有些不煲它卻更能保全藥效。

粉劑原意除了方便,
也是增加保存期以及穩定性,
(當然,最靚的藥肯定不會蠢到用來做粉劑啦~)
"made in china"的包裝過程故然難免叫人擔心。
(相比起來,其實我更擔心是原材料!!!~~~)
而事實上有些中藥本身就是製成粉狀,
如珍珠末、水牛角...
存放不見得比沖劑完善,
但偏從未聽過出事。


不過,最重要係﹐
沖劑可以懶......sorry,係方便!!!~~~

fitlow 提到...

re:dickey828

都係同一位醫師,所以我都諗應是成個療程剛好完成.承你所言沖劑沖劑係方便,煲中藥又要先浸後煲,睇住幾多碗水再濃縮成一碗,仲要記那些是後下不要一齊煲但要記得落,成個過程都幾麻煩.

不過見有些同事睇完廣華後拎住一包二包煎好的水袋返工再翻熱,但傳統上不是要一煲好襯熱服嗎?

大隻文 提到...

保重.....

dicky828 提到...

re fitlow:
因為小弟見識淺窄,
太深入或專業的未必滿足到你,
先別見怪。
(其實我本身生活都不太健康耶!!囧~)


煎藥熱服的理由相信是身體可以吸收得更好,
而且中醫角度本來都不建議人飲低於室溫的飲料,
再者,和食物一樣,
有些營養經煮沸後細胞壁會穿破,
營養值更高,
但不能保存太久,
所以都不建議放涼、要襯熱服吧。
另外如果是傷風感冒有鼻塞症狀,
熱飲的水蒸氣也有紓緩作用。

你說的翻熱翻叮問題很難去一概而論,
我也有同事之前有位很好的中醫也是給「水袋」。
...可能......(細聲)都是"方便"吧!!~
都是同一句,
沒有害,最多功效稍遜。
(翻叮政改方案就完全不同,
遺害全港,禍延子孫!!~~
所以絕對要支持5.16五區公投!!!
踢走功能組別班牛鬼蛇神!!!~~~~~~囧/)


題外話,
說起很可笑,
早前同事間突然輪流爆出多名"御用神醫",
各有各說好!!~~~XD

p.s.又一次騎劫carman的blog,sorry!!~

fitlow 提到...

re:dicky828
我的中醫常識都好皮毛. :)

好諷刺是而家中央同保皇派的方向竟是用番15年前被佢鬧到狗血淋頭千古罪人彭定康的政改方案來力保功能組別.

本來我不贊成公投,因我都是從保席方面看,
初初估若禮義廉參于,五區除港島外其它四區都好危,再加上我向o個位唔撈議員反映時更被佢問候,更加唔想投,好在而家有得揀.

全力支持岸西個女入局.