2009年10月14日 星期三

群策創新天...

今日施政報告出台,
名為:
Breaking New Ground Together

行政長官話,
關注樓市泡沫問題
但表明,已經
向發展商發出警號
,政府隨時有「後
著」,但就話,政
府唔可以有任何政
策、摧毁樓市。

繼名鑄,三萬多元一呎後,
地產商又一傑作,
半山天匯,
呎價去到六萬三,
更有一個七萬元一呎單位,
以現金成交,
據聞買家操不太純正廣東話..

這個樓市真太FUN了吧!!

25 則留言:

manc1011 提到...

是地產商刻意唱好樓價的吧!
買家當然不是香港人了
政府也只是任他的升,對目前經濟或許有幫助.
從來政府也是短視的了,唉...

jeffycl 提到...

係"現金"呀美華.....

zico cheng 提到...

香港什麼六大產業就吹水多個抹咀!唯一肯定既就是炒買有市!唉.自求多福啦

manc1011 提到...

哈哈,現金,現今

dicky828 提到...

同朋友講起"私"政報告,
對方想知就算加推住宅用地,
最後係咪又起豪宅?
我答:
「勾到地,你慌班地主會起廉租屋咩?
冇地俾班友勾,到時咪一樣有借口炒/加。
點都死~~~」

反正個泡一日唔爆,
跟住香港就得返啲豪宅同超豪宅同超超豪宅......
多得當奴自己講到咁白,
對豪宅會「積極不干預」嘛!~~~
(多口問句,假如"老闆"想知工作事項內嘅異常問題,請問有邊位"打工仔"夠薑答「我唔會理」?...曾生又再一次提醒大家,佢打好嗰份,係"皇帝工"!!~~~~)


以前珠三角、澳門樓價炒高炒熱,
連當地人都抱怨買唔起。
有邊個敢講唔係香港人搞成?
香港今時今日?
無他,報應啫......
好公平——都係窮人受晒!~~~


電台phone-in節目有女醫生向特首呻窮,
聲稱自己加律師男朋友都買唔起樓,
實在令人感慨良多,
--感慨係原來醫生、律師竟然屬"在職貧窮"嘅"彽收入弱勢社群";
--感慨係我朋友夫婦兩個入息加埋三萬頭,供樓之餘養多個B,原來比醫生+律師"富有";
--感慨係講緊連$30/hr都唔過、要保障嘅「最低工資」行業,除咗看更清潔,不如加埋醫生律師;
--感慨係飽讀聖賢書嘅杏林仁醫,厚面程度令自己唔怕貽笑大方,港女程度令高登會員想起佢底,腦殘程度令病人以為佢讀屎片......

當連中上階層有錢人都詐癲納福想借機抽水,
低下階層想有飽暖日子過?
天方夜譚。

期待當奴剩返嘅兩年任期,
又會推廣咩「親家產業」,或者「冚家......
(sorry,心照!~~~)


小弟對今年"私"政報告嘅其他意見。
歡迎分享。
("真的...值得分享"!!XD~~~~~)
http://dicky828.blogspot.com/2009/10/blog-post_14.html


真的...真的...值得分享,
一個論良心絶對比任何狗官奸賊更值得攞大紫荊勳章嘅香港人——何喜華

李小薇訪問何喜華@薇微語
part 1
http://www.youtube.com/watch?v=lr9eqXEL4NY
part 2
http://www.youtube.com/watch?v=XdgTNYuQmLY


p.s.最愛曾美華

manc1011 提到...

o..carman,
你在yahoo成了熱門搜尋了...
不想妳太有名啊.

KIN FAI 提到...

唉!
其實特首年年都空話連篇.
一年甚麽四大支持.
一年甚麽福為民開.
一年甚麽六大產業.
一字記之曰"虛"

過客 提到...

施政報告沒有半點驚喜,相信只有很少人真正關心施政報告的內容。香港人只可以眼看政府議而不決錯失良機。

作為小市民只有看着香港樓價急升形成泡沫,又怕泡沫爆破打擊香港經濟,更怕泡沫不會爆破慢慢變成合理的價格。無論如何香港本地居民要在香港置業,甚至在香港居住,都會變得越來越困難。

fitlow 提到...

其實慳電膽單case真的有點兒為插而插,如果張coupon只能買Philips products就話利益輸送o者,咁公民黨夠叫過政府出錢將所有公屋釘頭插座轉做螺絲頭使住戶用到慳電膽啦(雖然係佢地唔知市面是有釘頭慳電膽的).

唔記得邊日AM730話原來曼佳美係香港人投資生產的.

另外,前晚見Carman雙眼的眼白竟是啡色,是戴了啡色con還是其它原因呢.

過客 提到...
作者已經移除這則留言。
過客 提到...

特首知不知道短期內有幾多新盤是以豪宅價出售?一手市場又會影響二手市場,之後又會影響民生。只要不斷有資金流入香港樓市,發展商一定會盡力以豪宅價出售樓盤,香港政府又可以做甚麼。

zico cheng 提到...

嘩!好快全港都有豪宅區!我住元朗都有豪宅鄰居!今次真係特首話齋"想窮都難"...

Fung 提到...

我有一對朋友,諗住出年年尾結婚, 男搵13K/month, 女方搵12K/month, 大家都港島區返工, 想搵九龍區d樓, 原本有諗過抽居屋, 發覺原來冇資格(2人月入上限23k,1人11.5k), 近排二手私樓又升左咁多, 普通5-600尺都要250萬以上, 佢地而家都煩緊住屋問題 :(

過客 提到...

我覺得香港政府對控制樓市的能力非常有限。

我覺得政府應該要更多關注人口政策問題。
例如︰
現在很多內地父母的子女在香港出生,使用香港政府提供的教育、醫療等等不同的資源,同時需要在港納稅的比例相信非常低;另外,可見將來內地的發展機會較多,將來他們成長後會有幾多人在港工作、生活及納稅都是未知至數(我覺得因為香港稅制需要納稅的比較不高),不過可以預計會對香港構成不少財政壓力。另一方面,他們將來會否申請父母來港,這方面我不清楚。我不希望存有任何歧視成份,不過我最怕將來香港納稅人沒有能力承擔這樣的財政壓力。
(我對這方面認識有限,如有錯誤敬請指正。)

過客 提到...

現在香港每年都有很多非香港永久居民的子女在香港出生,我相信人數短期只會有增無減,只怕香港政府要等待情況失控才會正視,到時香港在教育及醫療等多方面都會受到非常大的壓力。人口老化問題已經唔樂觀,再加上這個問題,情況我不敢想像。(希望我是錯)

如果由現在只要在香港出生同時擁有中國國籍的人士就享有香港永久性居民身份,改為父親或母親是香港永久性居民才可能享有香港永久性居民身份。這樣或者能夠到控制情況,將來香港在財政上的壓力可能會減少。

zico cheng 提到...

政府呢家騎虎難行,任何增加土地供應或增建公屋都可能引發樓市下滑,我相信政府唔會有任何動作會作,最多以口號型式警告市場,希望市場有所自動調整!但樓市上落係自然現象,我相信出手既會係中央政府,當然佢唔係幫香港樓市軟着陸,而是為中國整體經濟發展作出重手調節!例如收緊銀根(因為銀行壞悵响未來幾年一定會增加,但外圍環境未有太大好轉,而內地救市嘅錢又用得八八九九).呢家股樓齊旺唔會太長久,到時熱錢離開返老家救市!到時政府又可以一句解圍"自由市場經濟,不干擾",股樓又唔知跌幾多啦!不過到時又到負資產苦主出場啦!

過客 提到...
作者已經移除這則留言。
過客 提到...

增建公屋是不會影響樓價,因為有資格申請公屋的人士自己根本沒有能力買樓。只不過政府用作興建公屋的土地不多。

如果中國政府要香港樓市降溫,其實只需要增加對非法外流資金及香港移民政策的關注。

貝武 提到...

去商台「光明頂」發表你們的政經偉論,那裡有官熊出沒。
別再在發傻,美華不太喜歡政治唄?

過客 提到...
作者已經移除這則留言。
過客 提到...

貝武︰

任何出於善意的言論當然無法可以比得上你那些惡意及無禮貌的言論。

相信你沒有資格代表 carman 發言。如果 carman 表示不喜歡,我相信沒有人會不接受。至於 carman 是否喜歡這樣的話題我事先根本沒有考慮過。我覺得只有很少數人會為了討好 carman 而在這裡發表意見。

zico cheng 提到...

過客,多謝指教

fitlow 提到...

carman開得呢個topic豈會不想人討論提意見.

fitlow 提到...

民主派又冇橋剩懂攪遊行要政府做o野.而家最怕係有人利用「豪宅」洗錢,跟住忍不住手的港人去接棒時爆煲就仲大鑊.

過客 提到...

zico cheng:

不需要多謝,只是交流吓意見。