2008年4月20日 星期日

白武士會出現嗎?


甘泉航空創辦人李卓民話:
'幫助七百萬香港人環遊世界,
是他一直以來的夢想,
即使到現在,
一點也沒有改變...'
本身是牧師的李先生,
有這一顆赤子之心,
我非常之感動..
在商言商,
可能真的不是一盤'化算'的生意,
自古以來,
都是貧者越貧,富者越富,
貧者無立錐之地,
更空談他們有環遊世界的奢望..
眾生皆平等,
無論貧富,
一樣可以擁有夢想..
真的希望可以如李先生所言,
有個白武士出現,
收購甘泉,
繼續以廉價機票營商形式,
為平民老百姓帶來一個希望,
亦可一盡社會責任.

13 則留言:

Jacky 提到...

廉價航空其實可以經營得非常好的。馬來西亞既 AirAsia 1993 年成立, 至今擁有 76 架飛機,每日有 200 航班飛 75 個地方,重要係每年賺緊錢既,我自己都有搭過佢地既國際航線,機票真係好平,服務不過不失。個人覺得 Oasis 執粒完全係經營不善,並唔係廉價航空無得賺;或者創辦人當初根本無諗過賺錢,而係有其它目的,例如摶短時間內有大財團收購,搵快錢......

TanTan 提到...

有時好人真係好難做, 我相信創辦人當初都係想幫香港人, 不過事實上好人係好難做一些決策工作, 因為要同時兼顧道義和裁決, 要有一棵自私的心才可以做到, 但當你有自私的心, 又會因為思想領域的狹窄而沒有長遠的眼光
好像我們的前特首,佢的八萬五居住正策對大部份窮人絶對是好事, 但香港搵快錢的人仕(抄樓,抄股票)實在太多, 佢係一個好人, 不過唔係面面俱圓的政治家
所以現在香港越來越少好人, 越來越多自私的人, 你可以由幼稚園已經見到d小朋友, 時常飯來口張, 鬧工人服待他們不週, 因為佢哋只係由自己角度去看事物

Chiuchiu 提到...

幫香港人? 定越幫越忙?? 上電視個個都話自己有心..唔通話我貪得意呀?..我同意TANTAN講...好難做架...加上阿李先生..都要知道..飛機唔環保..做多啲正面嘅社會服務啦..唔係為賺錢..使乜攞商業登紀?攞慈善團體lisence咪得囉..

Chiuchiu 提到...

而家..李生..可以改名做"飛機殼王"..成日都揾白武士?...有錢佬要玩飛機大把機會啦..得香港有飛機牌咩..視乎想玩幾大啫..長實要玩飛機都唔駛得今日啦..老實講..喺香港做航空業唔易..oasis未上市,同油價做唔到對沖亦係致命原因..睇嚟..都係等白無事...係白白咁無咗件事..
香港人..有乜風浪未見過?

cpkwong 提到...

坦言,見到李生的高自“票據,仲有人夠膽充當白武士嗎?仲有,蝕成十億HKD......
我記得當初甘泉開始接受預訂機票時,903的五天精華遊已曾質疑佢地用信用咭過數的問題,到今日終於出大事,可能真的同經營不善有著莫大關係......
最後,真係要反問:廉價機票航空公司仲有冇生存空間?

zico cheng 提到...

carman

其實經營廉價航空雖要有很好財政管理,道理很淺,因為飛機唔飛停都要比錢o更何况油價高企,雖然怎樣節省成本,更好嘅調渡及買機或租機都是非常大嘅學問,一不小心經營就泥牛入海番身冇望!所以就算有白武士出現oasis都會有非常大嘅轉變!

Jacky 提到...

Money Cafe 孫柏文話,Low Cost Airline 應該翻譯為 "低成本航空",而唔係"廉價航空"。 Jetstar、Virgin、Air Asia、Tiger... 等等都係經營得唔錯既例子,成功既因素係要做多點對多點,盡量減小飛機係地面既等候時間,Oasis 只係做一點 (HK) 對幾點,每次飛完都要等十幾二十粒鐘先再起飛,根本做唔到 Economies of scale,執粒係遲早既事....

Raymond Fung 提到...

Miss Tsang,

甘泉剩下的飛機,現在仍每天24小時由我們航空警衛看守,令我們做餐死。
由於民航處即將釘甘泉的牌,恐怕不但沒有白武士,連這四架747也遲早打柴!

Chiuchiu 提到...

睇嚟大家意見一致..
仲有..回應一下李先嘅夢想..就係幫700萬市民環遊世界..首先,我相信有至少200-300萬人唔駛你幫..再者..你把自己的夢想建築喺剛入職青年的痛苦身上..再揾工真係好難..有時要做救世主..係唔係應該都要衡量一下自己嘅實力呢?

今次執笠..打救你係等神..而唔係白武士..囉.

在迷宮內的人 提到...

自己都等人幫自己,仲話幫助香港人環遊世界,現在都無變,牧師就真係牧師.無敵永遠都係得個'講'字,營運得唔好就要想對策,個個都話等人救,救得邊個.李生都係放多啲心機做牧師,講就可以幫人,最啱.其實我都想幫助有需要的人去火星,第一個我免費送李牧師去,香港唔啱你.

Chiuchiu 提到...

唔係一味"平"就係社會責任嘅..百佳夠話自己最平啦..咪又係呃貧苦大眾??..

Jacky 提到...

你想發達,我想發達,人人都想發達。人人都可以有虛榮心、都可以貪心、想發達,點解牧師唔可以? 牧師都係人嘛!!大家唔好歧視牧師.... (利益伸報:我唔係基督徒)

無聊人 提到...

聽聞其實甘泉以資產值來計並非"賠本生意",但由於油價上漲和業務擴張既需要,主席李生想向銀行借貸融資,但其他股束要求以發行新股融資而不同意借貸融資,李生和其他大股束達不成共識,而被迫乾脆清盤結帳~

附上另一則甘泉傳聞,之前曾盛傳某有名財主有意收購甘泉,曾借貸美金一千萬給甘泉,利息20厘,而以李生手上那足以控股的甘泉股份作為抵押(飛機都成億,竟然拿人大份股份作抵押借人那區區美金一千萬,仲收人20%利息),後來甘泉清盤,這有名財主提出收購甘泉,恃着手上甘泉股份的抵押品,他提出的收購價竟然是 - $1。李生當然拒絕,而既然這有名財主手上的甘泉股份只是"抵押品",甘泉其實又"資可抵債",只要賣掉一架飛機肯定可以還錢拿回"抵押品",而這名出名"蛇吞象"的有名財主又不願花"合理價錢"收購甘泉.結果便告吹了~