你看到的是...?

聽老人家話虎年是盲年,
不宜嫁娶,
但2010剛過了兩個月,
我已收到四張喜帖,
所以,
愛情的魔力是無敵的....
我便抱住'八卦'心態,
做了一個小小調查.
結果都頗一面倒,
而且蠻有趣,
值得分享...
跟朋友在一輪恭賀客套說話後,
我便問:
'啊...
你覺得你係咪另一半既唯一呢?'
答案大多是:
'哎呀...佢專一咪得囉,
好難得架喇,
喺呢個社會,
你唸多左喇..'
嘩...
我是否要表現得好夢初醒啊!!
無庸置疑,
唯一比專一是難度高很多,
而又難察覺得多.
你若是另一半的唯一,
即代表他的歷史,過去,
現在及將來,
無人能夠取代你,
不論是道德上或是情感上
而他的內心深處亦只容納到你一人.
至於專一則簡單得多,
在道德上,
只要他不會花天酒地,
不會背着你偷食便可.
或許他的內心深處有另一人的存在,
只是..
你就是適合做他的另一半而已..
可能你會問:
'我又唔係佢肚裡面條蟲,
我點知啊?'
答案很簡單:
'嘗試看一看他的眼睛,
你看到什麼嗎?
看到...你就是他的唯一嗎?'
很玄吧?
何不用心領會一下..
人的眼睛從來都不會說謊.
By the way,
你不是他的唯一,
不等如你的婚姻不美滿,
這裡并沒有等號的,
只是...
????
!!!!

新書推介二..

穿kenzo的女人,
what???不是吧??
現在還有人這樣嗎?
即使有這一群人,
他們不是穿到成身chanel,gucci或LV...嗎?
作者錢瑪莉,
原來是男兒身的鄧小宇,
他是號外的創辦人之一,
與陳冠中、胡君毅等號外創辦人堪稱千面寫手，
擅於一人分多角寫稿.

錢瑪莉說:
多年前當我第一次寫'穿KENZO的女人'時,
已很清楚說明,
我肯花我寶貴的時間去寫這本書的原因--
我不快樂.
我不快樂的原因,
是我有一個不向我求婚的男朋友!
我捫心自問,
我有什麼比不上別人?
我什麼都有,
我有出身,有學識,
有智慧,有思想,
有事業,有風度,
有品味,有身材,
最重要,
我有美貌,
但為什麼那些我從不放在眼內的小女人,
庸姿俗粉,
一個又一個都嫁出了,
而我仍......?
讀者們, 作為旁觀者,
你們可能比我更瞭解我自己,
看完這本書之後,
如果你們知道我錯在什麼地方,
請告訴我一聲,
有你們的幫助,
也許我就能夠順利給你們一個完美的結局.

究竟一個男人,
又可以怎樣以女人的角度,
去剖釋女人的心理呢?
雖然這個故事已是三十年前的創作,
但我相信,
這等現實一直延至今日,
不是嗎??

新書推介一...

卓韻芝的
愛是永恆當所愛是你,
噢..
這不是歌詞嗎?
我就是喜歡聽她的電台節目,
喜歡她寫的書,
喜歡她的隨意,
喜歡她的乾脆吧!

她說:
什麼是放手呢?
你不愛一個人了,
這不叫放手,
這叫放棄;
你移情別戀了,
這也不叫放手,
這叫做淘汰;
你覺得很悶所以分手,
這也不叫分手,
最多只叫轉身走.
相反,
愛一個人,
但發現(無論如何還是)相處不來,
唯有分開,
這才叫做放手.
又或,
愛一個人,
但明白對方已經不愛自己了,
唯有忍痛退出,
也叫做放手.
'放手'一詞,
往往包含着戚然和無奈.
我見過有人不停哀求對方回來,
無所不用其極,
電話日打夜打,
電郵日傳夜傳,
巴結朋友,喊生喊死,
我知道,
她一定很愛他,
只是她還未明白,
有時,
愛就是要學會放手

矛盾．．．

你喜歡吃辣嗎？
當然喜歡啦．
那種謀殺味蕾的刺激感，
沒有其他東西可代替．
雖然吃完舌頭紅腫，
鼻水眼水像缺堤般，
對身體還不太有益．．
你喜歡看鬼片嗎？
當然喜歡啦．
驚嚇令腎上腺素急升，
ＨＩＧＨ到不得了啦．
雖說又要驚又要睇，
看完後還要疑神疑鬼，
坐立不安似的．．．
你喜歡跟別人比較嗎？
當然喜歡啦．
贏人,好勝心,
這不就是人的天性嗎?
但有一天,
你若是跟歷史比較,
你便開始走入死胡同,
永遠無辦法開心.
天王巨星要同米高積遜比較,
你永遠無辦法成為傳奇;
籃球壇天之驕子高比仔,
又要跟米高佐敦比較;
不同層次的人,
跟不同人比較.
難怪黃子華在拾下拾下楝篤笑中,
曾講過,
女朋友同男朋友講的最多一句說話是:
'你都無以前咁愛我既!!!'
小姐,請問你同那個以前比較呢?
我相信第二句講得最多的是:
'我覺得你愛前女友多過我囉!!'
小姐,
我又該如何證明你這句話是錯呢?
你可以用三寸不爛之舌嘗試說服,
但總是證明不到的.
很多人曾說,
人生最可悲的是,
你很早擁有很多;
人生最可悲的是,
你很遲才擁有很多.
俯拾皆是的矛盾........

這些所謂矛盾,
看似阿爸生鬚,阿媽著裙般顯淺,
甚至視作無聊,或想多了,
o...really????
哈哈.....

三條窄路...

你為什麼當警察？
你為什麼當牧師？
你為什麼當記者？
可能是志願，
可能是無得揀，
可能是為錢．．．．
門雖小，路雖窄，
但我們始終可以找到真理．
值得一看的獨立電影．

一書一情緣....

大年初一的新聞,
不外乎食盤菜,
大埔林村許願樹,
再加領導人的新年賀詞等..
撞正又是情人節的今日,
我找到一個老細推介的估仔,
由黃樂欣講你知...

書的首頁,
上款寫左女人個名，
還有兩句說話,
「曾經相識、不能會面」
男人個簽名,
已經撕咗少少...

第一章 發現
一個秋天，
舊書店老板歐陽先生整理緊一批、
由一個婆婆「度」收番嚟嘅舊書，
一個七十幾歲嘅上海遊客拎起本書。
老闆說:
(佢成個人愕然咗，
甚至老淚縱橫，
我不以為然，
問佢係咪要呀，
佢話，我要我要，
佢俾咗錢，都唔肯走)
原來本書係佢幾十年前送俾情人嘅，
兩個人後來分開咗。
估唔到，
一本書，
再改變佢地嘅命運
老闆說:
(我打電話俾個女士，
話呢個先生想搵你，
佢就話，我要見佢!)

第二章: 重遇
再次見面嘅地點喺書店
伯伯好早到。
老闆說:
(佢地相約喺下晝兩點，
但十一點就到，
話睇下其他書之嘛，
到點幾鐘，
就開始睇錶，
望下錶、
又望下書，
其實個心已經唔係睇書喇)
重遇一刻，冇想像中嘅激動。
老闆說:
(佢地兩個面對面，
可能已經知道個結果啦，
都好平伏，
可能大家都上咗年紀啦)
但平靜底下，
係躍動嘅心。
婆婆決定，
離開家人，去上海。
老闆說:
(佢話呢個係以前嘅愛人，
都結咗婚，
仔女都好大喇，
而家都唔知點，
我話，冇問題嘅，
世事嘅嘢，
歡喜咪互相照顧囉)

第三章:終老
半年後，
老闆收到婆婆上海寄嚟嘅信。
老闆說:
(佢話，
我地兩個再續前緣喇，
估唔到賣批書，
都可以挽回我地嘅夢想)

後記
五年後，
書店主人收到來信
知道婆婆在伯伯陪伴下，
走過人生最後一段.

沒有太多戲劇性,
煽情的感動位,
只有一段寫實的愛情故事,
心裡的一股暖流,
足以抵抗天陰寒冷的年初一...
每個人可以擁有許多愛情故事,
但不是每個人都這般幸運,
可以重拾曾經失去的愛情記憶,
願意再牽起帶有縐紋的一雙手...

虎年花市...

天陰陰,雨濛濛,
虎年花市,
天公不造美呢....
話雖如此,
但維園年宵仍是人山人海,
零晨兩點,
仍是擠得水洩不通,
公民黨黨魁余若薇,
為大家寫賀年揮春,
畫家尊子也來湊熱鬧呢...